شروط وقواعد المجتمع

1. الاحترام أولًا. ممنوع الإهانة والسب والتنمر والسخرية من أي عضو، حتى لو مختلفين في الرأي. الألفاظ غير اللائقة بتتحجب تلقائيًا.
2. محتوى حقيقي. شارك تجاربك ونتائجك الفعلية بدون مبالغة أو أرقام مفبركة أو لقطات شاشة معدّلة.
3. ممنوع الإعلانات والسبام. لا روابط ترويجية، ولا طلبات متابعة، ولا نسخ نفس المنشور أكتر من مرة.
4. الخصوصية. لا تنشر بيانات عملاء أو أرقام هواتف أو كلمات مرور أو بيانات حسابات إعلانية أو أي معلومات سرّية بدون إذن أصحابها.
5. بوست واحد في الأسبوع. لكل عضو بوست واحد أسبوعيًا (تجربة أو نتائج حملة أو سؤال) عشان نحافظ على الجودة. التعليقات والردود مفتوحة. كل بوست بيتراجع من الإدارة قبل النشر.
6. التعليقات نص فقط. الصور مسموحة في البوستات (حتى 3 صور) وبتتحوّل تلقائيًا إلى WebP. ممنوع الصور المخلة أو المسروقة أو اللي ليك حقوق غيرك فيها.
7. التعاون بين الأعضاء. مسموح للأعضاء يتعارفوا ويشتغلوا مع بعض وينقلوا الكلام لواتساب أو السوشيال ميديا. ده بيتم بمسؤوليتهم الشخصية: المنصة مكان للتعارف والتعلّم بس، وليست طرفًا في أي اتفاق أو دفع أو عمل بين الأعضاء ولا تضمنه. اتأكد من الطرف التاني، واكتب الاتفاق، وما تحوّلش فلوس مقدمًا بدون ضمان.
8. لو حصلت مشكلة. لو حصل خلاف أو نصب بين أعضاء اشتغلوا مع بعض، بلّغ عنه بزر «إبلاغ» أو تواصل مع الدعم. وتقدر كمان تنشر المشكلة على حساباتك أو في واتساب، بشرط تكون وقائع موثّقة بدون سب أو تشهير أو اتهامات بدون دليل. المنصة غير مسؤولة عما يُنشر خارجها.
9. الإشراف. للإدارة الحق في رفض أو إخفاء أو حذف أي محتوى مخالف، وإيقاف العضو مؤقتًا أو نهائيًا. أي محتوى بيوصله 3 بلاغات بيتخفي تلقائيًا لحد ما الإدارة تراجعه.
10. ملكية المحتوى. محتواك ملكك، وإنت بتسمح للمنصة بعرضه داخل المجتمع وفي نتائج البحث.
11. الإشعارات. هتوصلك إشعارات بالردود والتفاعل على بوستاتك، وملخص أسبوعي بالإيميل. تقدر توقف الإيميلات من صفحة الإشعارات.

التواصل مع الدعم

واتساب: +201028202687
الإيميل: info@moelbokhary.com